Aiaiga ma tuutuuga o le avea ma sui auai
1.0 Apalai e avea ma sui auai
O tagata uma poo se faalapotopotoga o loo latou totogia lafoga, o mau totogi, pe o loo
aumau i le itumalo, ma ua fetaui ma tulaga aiaia a le faletusi, ua agavaa e avea ai ma sui
auai o le faletusi. E manaomia le saunia e tagata talosaga o a latou faamatalaga faafesootai
mo le faatulagaina o lenei faamoemoe a le pulega. O le aoina o nei faamaumauga o le a
teuina e le faletusi e tusa ai ma le tulafono faavae Privacy Act 2020. E iai le aiā a le faletusi
e tāpā ai soo se tasi o loo apalai e avea ma sui auai, e faaali mai se faamaoniga o lona
agavaa e avea ai ma sui auai, pei o se faataitaiga o le faamaoniga o le tuatusi o loo aumau
ai poo le ata o le tagata lea e apalai mai. E mafai e sui auai o le faletusi ona latou ave i tua
ni mea e aunoa ma se totogi, peitai e iai le aiā a le faletusi e faatulaga ai ni tau e totogi mo
le nonōina o nisi o mea e ave.
2.0 Nonōina o mea e le fanau
Soo se tasi lava e i lalo ifo o le sefuluvalu tausaga, e mafai e sona matua poo se tasi o loo
tausia o ia, ona fai ma ona sui e faatumuina le pepa e avea ai o ia ma sui auai o le faletusi.
O le matua foi lena poo lē o tausia lena tamaitiiti o le a pa’ū i ai le vaaia o mea uma o loo
nonō mai e lena tamaitiiti, faapea le totogiina o ni tupe uma e nofo aitalafu ai.
2.1 Tapulaa le nonōina o mea e le fanau
Soo se tasi lava e i lalo ifo i le sefuluvalu tausaga e lē o agavaa e avea ma sui auai i lalo o le
aiaiga 2.0, e ono mafai ona avea ma sui auai faatapulaa i le vaavaaiga toto'a a le faletusi.
3.0 Nonōina o mea e se tasi e lē o agavaa
O soʻo se tagata e le agavaʻa i lalo o le fuaiupu 1 mo le avea ma sui e leai se totogi o le faletusi, e
mafai ona avea ma sui pe a asiasi i se faletusi a le Pulega a Aukilani ma faatumu se pepa talosaga
ma totogi se pili, ma ia fa'aalia ni pepa fa'amaonia talafeagai e iloa ai lona fa'asinomaga.
4.0 Tuuina mai o le pepa mo le sui auai
O le a tuuina mai e le tagata faigaluega o le faletusi se pepa faamaonia o le avea ma sui
auai, i tagata ta’ito’atasi e apalai e fia maua (i lalo o aiaiga ma faaupuga i le vaega 1.0, 2.0,
3.0 ma le 12.0) lea pepa.
5.0 Faaaogāina o le pepa faamaonia o le avea ma sui auai
E na o le tagata ua avea ma sui auai o le faletusi, poo se tasi ua faataga mai e le sui auai,
e tatau ona ia faaaogāina le pepa faamaonia a le sui auai. E tatau ona faaali lena pepa
faamaonia i le taimi e faatino ai le auaunaga.
6.0 Pili ma tau e totogi
O sui auai uma o le faletusi, ua latou malilie uma lava i pili ma tau e totogi a le faletusi. Ua iai
i le faletusi le aiā e fai ai ni suiga i nei tau pe a mana’omia.
7.0 Suiga o le tuatusi
E tatau i sui ta’itasi ona vave faailoa mai i le faletusi soo se suiga i o latou tuatusi poo nisi
faamatalaga e faafesoota’i ai.
8.0 Nonōina o mea e na o le faletusi e faaaogā ai
E leai se tagata e i ai le aia tatau e nono ai se mea ua fa'ailoa e na’o le fale tusi lava e
faaaogaina ai. Peitaʻi, e mafai e le tagata faigaluega a le faletusi ona fa'atagaina se sui e
nonoina se mea mo le fa'aogaina i totonu o le faletusi, i lalo o ni tuʻutuʻuga fa'apitoa ua
fa'atulagaina.
9.0 Faailoaina atu o mea
O le tagata e na te nonoina se mea, e tatau ona fa'atulafonoina le nonoina o le mea na
te aveina aʻo leʻi tuua le faletusi
10.0 Aveesea o mea e aunoa ma se faatagaga
E lē tatau i se tagata (e ese mai i lē o loo nonōina se mea) ona ia aveina pe taumafai e aveina
se mea mai le faletusi.
10.1 Faatauina ese atu o mea
E lē tatau i se tasi ona ia faia ma lona iloa le taumafai e tuuina atu se meatotino a le pulega
lea na ia aumai mai le faletusi, e faafesuia’i ma se isi mea o ia fia maua, pe faatau atu, pe
ave e faamau ai sana aitalafuga tupe.
11.0 Mea ua faaleagaina
Afai ua leiloa se tusi, pe faafo’i mai ua leaga po ua lē lelei foliga ua toe foi mai ai, e tatau i lē
na ia nonōina ona totogi atu sina tupe i le pulega e toe sui ai lea tusi, pe totogi le tau atoa o
se mea ua faaleagaina po ua leiloa, i le pulega. E mafai e se tagata faigaluega o le faletusi
ona ia faamauina faapea ua leiloa se tusi, pe afai ua atoa le 24 aso e le’i toe faafo’i ane lava
le tusi i le faletusi.
11.1 Toe maua mea na leiloloa
Afai e mulimuli ane toe maua ma faafo’i ane i le faletusi le tusi na faapea ua leiloa, i totonu o
le lua tausaga talu mai le aso na nonō ai, e mafai ona toe totogi atoa atu pe totogi atu sina
vaega i le tagata na leiloa ai, tupe uma ia sa ia mua’i totogi mo le leiloa o lena tusi, ae o le a
tuu atu lenei mea i le faautautaga lelei a le tagata faigaluega o le faletusi.
12.0 Tupe o loo aitalafu ai
E malilie sui auai uma o le faletusi e latou te totogia soo se pili ma ni tau e ono tula’i mai i le
avea ai o ni sui auai o le faletusi, e aofia ai i latou ua talia le faaaogā e faamaoniaina ni mea
e nonō. E mafai e Faletusi a Aukilani ona taofia mo se taimi, le toe faatinoina o ni auaunaga i
na tagata se'iloga e toe totogi atoa uma ane tau o loo aitalafu ai.
O sui uma o le faletusi e tali atu i soʻo se mea ua nonoina ma soʻo se pili e tula‘i mai i lalo o
lo latou igoa seʻia oʻo i le taimi e lipotia ai i le faletusi le leiloloa po o le gaoia o la latou pepa
faamaonia. O pili uma e tula‘i mai pe a maeʻa ona lipotia I le faletusi o le a fa'amagalo.
Faaaogāina o le faletusi
Soo se tagata e ulufale i le faletusi e lē tatau ona:
1. Faia ni amioga mata’utia ai pe fa’alavelave i se isi tagata.
2. Aua le aumaia i totonu o le faletusi, pe fa'aalia foʻi, se mea e mataʻutia pe
fa'alavelave i se isi tagata.
3. aumaia soo se meaola i totonu o le faletusi se'i vaganā ua faataga mai e le pulega
4. faaleagaina soo o se meatotino a le faletusi.
Soo se auaunaga a le faletusi poo ni ana meatotino e faaaogā e se tasi, e tatau ona
faaaogā mo ni mafuaaga e faaletulafono, ma e lē tatau ona solia ai ni tulafono tau aiā tatau
o meatotino, solia ai aiā tatau o mea e lē soona faalauaiteleina, le toe suia pe tapē e aunoa
ma se faatagaga o ni faamaumauga o loo iai i le upega tafa‘ilagi, le sailiili e aunoa ma se
faatagaga i ni faamatalaga, poo le faaaogā pe aveese mai ni ata poo ni tusitusiga i se faiga
faasolitulafono.