1.0 Ngā tono mematanga
Ko ia tangata, ko ia whakahaere rānei e utu ana i ngā reiti, i te rīhi, e noho ana rānei ki te takiwā, ā, kua ea i a ia ngā herenga o te noho hei mema mō te whare pukapuka, e āhei ana te noho hei mema. Me tuku ngā kaitono i ngā taipitopito whakapānga mō rātou e whakahaere ai te whare pukapuka i ngā mematanga. Mā te whare pukapuka e kohikohi, e tiaki hoki ngā pārongo whakapā a ngā mema i runga i ngā āhuatanga o te Privacy Act 2020. Nō te whare pukapuka te mana ki te tono i ngā kaitono e whai ana ki te noho hei mema kia taunakitia te āheinga ki te whakaahua tautuhi, ki te taunakitanga rānei mō te wāhi noho. E āhei ana tā ngā mema tango tūemi me te kore e whai nama, engari nō te whare pukapuka te mana ki te whakatau utu mino mō ētahi tūemi.
2.0 Ngā tono tamariki
Me whakakī tono mematanga e tētahi matua, kaitiaki rānei mō te tangata kei raro i te tekau mā waru tau te pakeke. Ka riro i taua matua, kaitiaki rānei te haepapa o ngā mea katoa i tonoa e taua tangata me ngā nama katoa.
He utu tōmuri mō ngā mea pakeke ka tonoa e ngā kāri mematanga tamariki.
3.0 Mau aheikore
Ko ia hunga kāhore i ahei kia whiwhi hono i raro i te wāhanga 1 ki te hono utu kore, e ahei ki te hono mehemea i oti ngā kaupapa hono me te utu hono, ā, ka hoatu ngā tuhinga whakatau hono mōna.
4.0 Te tuku kāri mematanga
Ka tono te kaitiaki pukapuka (e ai ki ngā rārangi 1.0, 2.0, 3.0 me 12.0) i tētahi kāri mematanga ki ia kaitono.
5.0 Whakamahi kāri hononga
Ko te mema nōna ake, ko tērā hoki nāna i whakamana, e ahei ki te whakamahi i tana kāri hononga. Me whakatau taua kāri mo ngā mahi kua uhia.
6.0 Ngā utu
Me whakaae ngā hunga hono e here ana ngā utu me ngā nama a te pātaka kōrero ki a rātou. Ka mau i te pātaka kōrero te mana ki te whakarere kē i ngā utu.
7.0 Neke ki wāhi kē
Kia tere taua mema ki te hoatu ki te pātaka kōrero i tōna nohoanga hou, whakapānga hou rānei.
8.0 Mau taonga puakanga
Kāhore tētahi e whai mana ana ki te mau taonga kua whakapuakangatia. Engari he mana tō te kaimahi ki te tuku kia mauria i raro i ngā kaupapa ka whakatakotoria.
9.0
Ahakoa he aha te taonga, me whiwhi tuku tika te kaimau i mua i tōna wehenga atu i te pātaka kōrero.
10.0 Mau hē i ngā taonga
Kāhore tētahi atu, ko te kaimau kua whiwhi tika anake, ka mau, ka whai rānei ki te mau taonga, mea atu rānei i te pātaka kōrero.
10.1 Kaua rāwa tētahi e tuku, e hoko, e whiwhi utu mo tētahi taonga a te kaunihera, e kimi huarahi rānei ki ēnei.
11.0 Mahi kino i ngā taonga
Mehemea ka ngaro, ka hoki kino mai rānei he taonga, me utu pūtea te kaimau ki te kaunihera hei utu motuhake, hei whakapai rānei i te kino. E āhei ana tā te kaimahi whare pukapuka whakatau kua ngaro tētahi rawa mehemea kua hipa ake i te 24 rā i muri i te rā e tika kē ana kia whakahokia ki te whare pukapuka.
11.1. Mehemea ka kitea te taonga i roto i te rua tau atu i te wā i riro ai, ka utua he wāhi, te katoa rānei o te utu mo te ngaromanga ki te kaimau, e ai ki te whakatau ā te kaimahi.
12.0 Ngā nama
Ka whakaae ngā mema katoa o te whare pukapuka ki te utu i ngā nama me ngā whiu ka hua mai i te noho hei mema i te whare pukapuka, ā, ka hāngai hoki tēnei ki te hunga i whakaaetia rā hei taituarā. E āhei ana te unu a Ngā Pātaka Kōrero o Tāmaki Makaurau i ngā ratonga whare pukapuka kia ea katoa i aua momo tāngata ngā nama.
Ka whakaae ngā mema katoa o te whare pukapuka ki te kawe i te haepapa e pā ana ki ngā tūemi ka tukuna ki a rātou, ki te whakaea hoki i ngā nama ka hāngai ki te noho hei mema tae noa ki te wā i pūrongotia ai ki te whare pukapuka te ngarohanga, te whānakotanga rānei o te kāri. Ko ngā nama katoa ka hua mai i muri i taua wā, ka whakakorehia.
Te whakamahi i te whare mātauranga
Kaua rawa te tangata e uru mai ki te whare mātauranga e:
- Whakararuraru, e mahi kino rānei ki tētahi atu tangata.
- Heri mai ki roto i te whare mātauranga, whakaatu rānei i tētahi taputapu tērā e whakararuraru, e mahi kino rānei ki tētahi atu tangata.
- Heri kararehe atu ki roto i te whare mātauranga, engari rawa mēnā ka whakaaehia e te Kaunihera.
- Tūkino rānei i ngā rawa whare mātauranga.
Ko te whakamahitanga a te tangata i tētahi ratonga, whakaurunga rānei i te whare mātauranga me ū ki te ture, ā, kaua rawa e takahia te manatārua, e takahi hoki i ngā tika matatapu, e whakarerekē, e ūkui manakore rānei i ngā raraunga, ihirangi paetukutuku rānei, e toro manakore rānei i ngā korero, e toro, e whakawhiti rānei i ngā ataahanga turekore, kupu rānei.